Падзеі ў клубе "Жара" атрымалі новую трактоўку
11 лютага ў часе панк-канцэрта ў баранавіцкім клубе "Жара" міліцыя затрымала каля 60 чалавек. Як тады было абвешчана, для наркаправеркі.
Цяпер з'явілася новая версія падзеяў. У афіцыйным каментары, размешчаным на сайце УЎС Брэсцкага аблвыканкама гаворыцца, што ў клубе была папярэджаная бойка.
"Дзякуючы своечасовым дзеянням былі не толькі выяўленыя арганізатары і меркаванае месца сутыкнення прадстаўнікоў шэрагу моладзевых рухаў, але і зробленыя прэвентыўныя захады па лакалізацыі меркаванай грамадска небяспечнай акцыі", — гаворыцца ў паведамленні прэс-службы УЎС.
