Палескі дзяржуніверсітэт шукае выкладчыцкія кадры
Палескі дзяржаўны ўніверсітэт, які месціцца ў Пінску, абвясціў конкурс на замяшчэнне вакантных пасадаў.
Вышэйшай навучальнай установе патрэбныя 9 загадчыкаў кафедрамі, 13 дактароў навук і 34 кандыдаты навук, якія будуць выступаць у якасці выкладчыкаў. Усе новыя супрацоўнікі ўніверсітэту будуць забяспечаны камфартабельным жыллём і годнымі заробкамі.
Варта адзначыць, што Палескі дзяржаўны ўніверсітэт — самая маладая ВНУ ў Беларусі. У красавіку адзначае пятыя ўгодкі з моманту свайго заснавання.
