Памёр акцёр Ігар Старыгін

Акцёр Ігар Старыгін памёр у адной з маскоўскіх клінік на 64-м годзе жыцця. Нагадаем, што 21 верасня Старыгін трапіў у лякарню пасля інсульту. Як адзначае інтэрнэт-газета "Взгляд", вядомага акцёра адвезлі ў адну з элітных клінік Масквы з падазрэннем на парушэнне мазгавога звароту. Змясцілі яго ў аддзяленне нэйрарэанімацыі.

Самым славутым кінавобразам Старыгіна стала роля Араміса ў прыгодніцкім фільме "Д’Артаньян і тры мушкецёры". Таксама Ігар Старыгин здымаўся ў фільмах "Дажывем да панядзелку", "Ад'ютант яго правасхадзіцельства", "Дзяржаўная мяжа".