Парада Элтана Джона выратавала альбом Scissor Sisters

Новы альбом амерыканцаў Scissor Sisters «Night Work» з'явіўся ў інтэрнэце амаль за два тыдні да афіцыйнага рэлізу.  Трэці альбом музыкаў з'явіцца толькі 28 чэрвеня – аднак яго ўжо можна знайсці на розных бясплатных сервісах у Інтэрнэце. Тым не менш, факт "крадзяжу" дыска не бянтэжыць вакаліста гурта Джэйка Шырза, бо яму прыемна выслухваць захопленыя водгукі сваіх прыхільнікаў і разумець, што Scissor Sisters запісалі вельмі якасны альбом.

«Я нават рады таму, што альбом пратачыўся ў Сетку раней вызначанага тэрміну, - прызнаецца Шырз. – Я зайшоў у Інтэрнэт, каб паглядзець водгукі на яго – і не сустрэў ніводнага негатыўнага каментарыя! Гэта вельмі натхняе».

«Людзі, якія загружаюць яго – гэта нашы дакладныя прыхільнікі, якім не вельмі хочацца атрымаць «Night Work» раней астатніх, - працягвае вакаліст. – І калі ім спадабаўся альбом, яны раструбяць пра яго ўсім знаёмым і незанаёмым – а гэта адаб'ецца і на продажы альбома, калі ён выйдзе».

Нагадаем, што Scissor Sisters працавалі над сваім новым дыскам без малога два гады. Але па парадзе Элтана Джона першыя студыйныя сесіі былі выкінутыя і цалкам перапісаныя.

У працы над паслядоўнікам «Ta-Dah» (2006) узялі ўдзел рэперша Санціголд (Santigold) і вядомы прадзюсер Сцюарт Прайс.

Фота: sodahead.com