ПАСЕ адкрыла дэбаты па Беларусі

На сесіі Парламенцкай асамблеі Савета Еўропы пачаліся дэбаты па праекце рэзалюцыі наконт сітуацыі ў Беларусі, паведамляе БелаПАН. У прыватнасці, у праекце дакумента ўтрымліваюцца наступныя заклікі да беларускіх уладаў:

- неадкладна вызваліць усіх апазіцыйных кандыдатаў і іх прыхільнікаў, журналістаў і праваабаронцаў, якія затрыманыя з палітычных матываў;

- спыніць пераслед і пагрозы апазіцыйным палітыкам, мас-медыя і прадстаўнікам грамадзянскай супольнасці;

- правесці празрыстае расследаванне абразлівых і непрапарцыйных дзеянняў сіл аховы правапарадку супраць дэманстрантаў 19 снежня;

- спыніць выключэнне студэнтаў з універсітэтаў і звальненне людзей з іх працоўных месцаў з прычыны ўдзелу ў пратэстах;

- перагледзець рашэнне наконт закрыцця офіса АБСЕ у Мінску і падоўжыць ягоны мандат да 2011 года і надалей;

- завяршыць працэс рэформы выбарчага заканадаўства і яго практычнага прымянення, бяручы пад увагу ўсе рэкамендацыі БДПІЧ/АБСЕ і Еўрапейскай камісіі за дэмакратыю праз права
(Венецыянская камісія).