Пажар на АЗС пад Пружанамі (фота)
Здарэнне адбылося ўдзень 8 студзеня каля вёскі Зеляневічы.
На момант узнікнення пажару на аўтазаправачнай станцыі ў адным рэзервуары знаходзілася 6000 літраў бензіну, у іншых — 17000 літраў дызельнага паліва. Выратавальнікі ліквідавалі ўзгаранне за 8 хвілін. Як інфармуе прэс-служба МНС, агнём знішчаная палівараздатачная калонка. На шчасце, пацярпелых няма.
Мяркуецца, што прычынай пажару магло стаць парушэнне правілаў эксплуатацыі электрасетак і электраабсталявання.
Фота — mchs.gov.by
