Пенсіянерка "замініравала" лякарню ў Шчучыне, яе затрымалі
Цяпер на жанчыну пачалі крымінальную справу.
28 лютага ў Шчучыне на Гродзеншчыне невядомая жанчына затэлефанавала ў тэрапеўтычнае аддзяленне лякарні і паведаміла, што ў будынку закладзенае выбуховае прыстасаванне. Лекары паведамілі пра гэта ў міліцыю.
З лякарні былі эвакуяваныя 74 чалавекі. Падчас праверкі выбуховае прыстасаванне не знайшлі.
Высветлілася, што "тэлефоннай мінёркай" была 64-гадовая пенсіянерка з вёскі Мардасы. Жанчыну затрымалі на яе пачалі крымінальную справу.
Фота — uvaga.by
