Пінскім бібліятэкам падаравалі Слуцкае Евангелле
Па адным асобніку факсімільнага выдання Слуцкага Евангелля атрымалі ў падарунак пінскія гарадская і раённыя бібліятэкі.
З ініцыятывы Міністэрства культуры гэту кнігу прэзентуюць усім асноўным бібліятэкам краіны.
Слуцкае Евангелле — помнік беларускага пісьменства XVI стагоддзя, які доўгі час лічыўся страчаным для беларусаў. Аднак у 2003 годзе святыню нечакана перадала Беларускай праваслаўнай царкве адна верніца.
