Пінскія ўлады патрабуюць ад уласнікаў выкарыстоўваць будынкі

26 уладальнікаў пінскіх будынкаў былі выкліканыя на “дыван” у Пінскі гарвыканкам. Некалькі год таму шмат будынкаў былі выкупленыя ў дзяржавы ў прыватную ўласнасць. Аднак і па сёння яны знаходзяцца ў занядбаным стане і не выкарыстоўваюцца.  Уласнікі нерухомасці скардзяцца на неспрыяльныя эканамічныя ўмовы  і на бюракратыю пры праектаванні рамонту.

Прадстаўнікі выканкаму папярэдзілі прысутных пра адміністрацыйную і крымінальную адказнасць за невыкананне ўмоваў прадажных аўкцыёнаў. Праз месяц прыватнікі павінны падаць зацверджаныя планы рэканструкцыі і выкарыстання набытых імі будынкаў.