Пол Маккартні запісвае новы альбом

Былы ўдзельнік “бітлоў” на мінулым тыдні распачаў запіс новага альбома. Прадзюсарам плыткі стане Марцін Гловер, вядомы пад псеўданімам Youth. Як паведаміў прэс-сакратар сэра Пола Маккартні, альбом будзе гатовы да лета 2008 года. У чэрвені Макартні выступіць на вялікім святочным канцэрце ў Ліверпулі, які абраны культурнай сталіцай Еўропы 2008 года. У планы музыкі ўваходзіць таксама канцэртны тур па Вялікабрытаніі.

Альбом, назва якога пакуль невядомая, стане ўжо не першым вынікам сумеснай працы Маккартні і Гловера: яны выпусцілі два альбомы электроннай музыкі ў рамках праекту "The Fireman".

Нагадаем, што 20 лютага былы ўдзельнік The Beatles быў уганараваны ўзнагародай Brit Awards "За выбітны ўклад у музыку".

фота: www.media-news.ru