Portishead піша альбом на новым лэйбле

Гурт Portishead абвясціў пачатак працы над новым альбомам. Прадзюсер і інструменталіст Джэф Бэраў (Geoff Barrow) засведчыў, што каманда адправіцца ў студыю да канца лета.  Будучая кружэлка стане паслядоўнікам альбома “Third”, выдадзенага ў 2008 годзе пасля адзінаццацігадовага перапынку ў дыскаграфіі. Рэлізам “Third” Portishead выканалі свае абавязкі па кантракце з Universal Music.

Цяпер рокеры падпісалі новы кантракт, але назва лэйбла, на якім выйдзе новы дыск, застаецца таямніцай. “Гэта кантракт з мэйджарам, самай буйной гуказапісвальнай кампаніяй у свеце, - заявіў Бэраў. – Мы будзем працаваць з людзьмі, якім давяраем - а для нас гэта самае галоўнае”.

Дата рэлізу новага альбома Portishead яшчэ не вызначана.

Фота: www.cratekings.com