Прафсаюз просіць вярнуць школьнікам бясплатны праезд
Прафсаюз РЭП звярнуўся да дэпутатаў абласных Саветаў з просьбай вярнуць школьнікам неабмежаваны бясплатны праезд у гарадскім транспарце.
Зараз навучэнцы маюць права на бясплатны праезд толькі ад месца жыхарства да школы і назад у перыяд з 1 верасня па 30 чэрвеня.
У звароце да народных абраннікаў прафсаюз РЭП спасылаецца на тое, што пастанова ўрада № 202 "Аб некаторых пытаннях праезду навучэнцаў" дае такое права мясцовым выканкамам за кошт выкарыстання сродкаў мясцовых бюджэтаў.
У звароце прафсаюзу гаворыцца, што абмежаванне бясплатнага праезду маршрутам "школа-дом" выклікала неразуменне і абурэнне бацькоў школьнікаў, паведамляе Praca-by.info.
