Прэзідэнт адправіў у адстаўку галоўнага ідэолага Беларусі

Як стала вядома Еўрарадыё, цяпер Алег Праляскоўскі ўзначаліць Інфармацыйна-аналітычны цэнтр пры Адміністрацыі прэзідэнта.
Пра гэта паведаміў кіраўнік прэс-службы Аляксандра Лукашэнкі Павел Лёгкі.

“Алег Праляскоўскі прызначаны дырэктарам Інфармацыйна-аналітычнага цэнтра пры Адміністрацыі прэзідэнта. Я не каментую прынятыя кіраўніком дзяржавы кадравыя рашэнні”

Таксама пакуль невядома, хто зойме вакантную пасаду начальніка галоўнага ідэалагічнага ўпраўлення Адміністрацыі прэзідэнта.