Прычына пажару на “Мінскдрэве” — падпал?

Прычынай пажару, што адбыўся на  “Мінскдрэве”, мог стаць падпал. Такую версію разглядаюць выратавальнікі. Цяпер вядзецца экспертыза, распавёў Еўрарадыё прэс-сакратар МНС Віталь Навіцкі.
Навіцкі: “Па папярэдняй інфармацыі, было два ачагі ўзгарання. Гэта кажа, што мажліва, быў падпал. Будуць праводзіцца экспертызы, што зойме пэўны час”.

Нагадаем, драўляныя адкіды пад навесам на прадпрыемстве загарэліся ў ноч на 26 кастрычніка. Агонь ахапіў драўляныя адкіды на плошчы ў 200 квадратных метраў. Падчас пажару ніхто не пацярпеў.