Рабочыя ўкраінскага цырка “Русолі” збілі мазыран (відэа)
Супраць хуліганаў распачалі крымінальную справу.
Два 21-гадовыя ўніфармісты цыркавой кампаніі “Русолі” з Украіны збілі двух жыхароў Мазыра. Гэта здарылася напрыканцы гастроляў украінцаў у раённым цэнтры.
Як паведамляе тэлеканал “Мазыр”, госці горада вырашылі наведаць мясцовы начны клуб. На ганку забаўляльнай установы яны нанеслі цялесныя пашкоджанні мазырчукам.
Паводле адной з версій, у справе замяшаныя дзяўчаты — наведвальніцы клуба.
Украінцаў затрымалі і змесцілі ў ізалятары часовага ўтрымання. Супраць іх распачатая крымінальная справа.
