Расія, Аўстрыя і Карэя змагаюцца за Алімпіяду

У Гватэмале пачалася 119-я сесія Міжнароднага алімпійскага камітэта, на якой вырашыцца пытанне, дзе праводзіць зімовую алімпіяду 2014 года. У чацвер а 13-й па мінскім часе, будуць вядомыя вынікі галасавання.

Канцлер Аўстрыі Альфрэд Гузенбаўэр выказаў незадавальненне дакладам камісіі МАК. У дакладзе камітэта аўстрыйскі Зальцбург крытыкуецца за малы бюджэт на бяспеку.

На думку канцлера, нельга параўноўваць спакойны Зальцбург з расійскім Сочы і карэйскім Пхенчханам.

“У Расіі непадалёк ідзе чачэнскі канфлікт, а Паўднёвая Карэя мяжуе з непрадказальным паўночнакарэйскім рэжымам. Ці можна іх раўняць з Зальцбургам?” — сказаў аўстрыйскі лідэр.

Паводле pap.pl