Расія сёння адновіць працу трубаправоду Ўнеча-Вентспілс

Расійская кампанія "Транснафтапрадукт" у 17 гадзінаў 24 ліпеня адновіць прапампоўку нафтапрадуктаў праз Беларусь па трубаправодзе Ўнеча-Вентспілс. Як нагадвае "Інтэрфакс", 17 ліпеня Міністэрства па надзвычайных сітуацыях Беларусі прыняло рашэнне часова забараніць эксплуатацыю беларускага ўчастку нафтапрадуктаправоду з нагоды яго нездавальняючага тэхнічнага стану.

Рашэнне пра аднаўленне прапампоўкі прынята пасля таго, як прадстаўнікі расійскай кампаніі падалі дэталёвы план рамонтных прац на ўчастку трубаправоду да канца 2009 года.