Расіянін напаў і абрабаваў пенсіянерку ў Мінску (фота)
Здарэнне адбылося ўчора ў кватэры жылога дома па вуліцы Кульман.
Як інфармуе прэс-служба Следчага камітэта, грамадзянін Расіі пазнаёміўся на вуліцы з жанчынай і прапанаваў купіць у яго "танны посуд". Яна пагадзілася ды паклікала яго да сябе ў кватэру, каб расплаціцца.
Зламыснік пабачыў, адкуль пенсіянерка даставала грошы, напаў на яе. Пры гэтым "ужываў гвалт, небяспечны для здароўя". Расіянін забраў 30 мільёнаў беларускіх рублёў і ўцёк. Аднак быў затрыманы. Распачатая крымінальная справа па артыкуле "разбой, здзейснены з пранікненнем у жыллё". Праваахоўнікі правяраюць датычнасць затрыманага да іншых падобных злачынстваў на тэрыторыі Беларусі.
