Расійскі Сочы стаў аўтсайдарам у барацьбе за Алімпіяду-2014

За месяц да выбараў сталіцы зімовай Алімпіяды 2014 года, якія пройдуць 4 ліпеня ў Гватэмале, на афіцыйным сайце Міжнароднага алімпійскага камітэта апублікаваны даклад ацэначнай камісіі, якая зрабіла свае высновы пасля наведвання гарадоў-кандыдатаў.
Слабым бокам заяўкі расійскага горада-курорта Сочы названа адсутнасць спартовых аб'ектаў для правядзення спаборніцтваў. Паводле высновы камісіі, планы Сочы па ўзвядзенні інфраструктуры "павінны быць дбайна правераныя".

Наймацнейшай названа заяўка карэйскага Пхенчхана, у якой не адзначана слабых месцаў. Нагадаем, што гэты горад прэтэндаваў на правядзенне Гульняў-2010, але ў выніку галасавання прайграў канадскаму Ванкуверу.

Lenta.ru