1000 беларусаў папрасілі іх не пускаць у казіно
Менавіта столькі жыхароў Беларусі за месяц абмежавалі сябе ў наведванні ігральных установаў на тэрмін ад 6 месяцаў да 3 гадоў.
Прынцып дзеяння яшчэ новага для нашай краіны механізма наступны. Людзі, якія намагаюцца пераадолець псіхалігічную залежнасць ад азартных гульняў, звяртаюцца да арганізатараў гульні. Іх заявы аператыўна перадаюцца ў Міністэрства па падатках і зборах, якое інфармуе пра згаданых асобаў усіх арганізатараў азартных гульняў у краіне. Ад гэтага часу гэтых людзей туды не прапусцяць.
БЕЛТА паведамляе, што ў Беларусі на сённяшні дзень дзейнічае 34 казіно, 18 з якіх размешчаныя ў сталіцы, 279 залаў гульнявых аўтаматаў і 148 букмекерскіх кантор.
