19 верасня — Дзень нараджэння смайлікаў
Самы просты смайл, які абазначае ўсмешку, быў запушчаны 19 верасня 1982 года а 11.44.
Смайлік прыдумаў прафесар псіхалогіі ўніверсітэта Карнэгі Мэлан у Пітсбургу Скот Фалман. Ён адправіў калегам электроннае паведамленне і прапанаваў выкарыстоўваць паслядоўнасці сімвалаў “:-)” у якасці маркёра для жартаўлівых паведамленняў.
Свой выбар навукоўца патлумачыў тым, што гэты значок падобны да ўсмешлівага твару. На сёння ж існуе вялікая колькасць самых розных смайлікаў, якія, зрэшты, не заўсёды абазначаюць усмешку.
