30 верасня — Міжнародны дзень перакладчыка
Яго заснавала ў 1991 годзе Міжнародная федэрацыя перакладчыкаў.
Дату абралі невыпадкова — 30 верасня 420 года памёр Геранім Стрыдонскі, адзін з чатырох лацінскіх айцоў Царквы, пісьменнік, гісторык і перакладчык.
Менавіта яго прадстаўнікі гэтай прафесіі лічаць сваім апекуном. Дарэчы, Гераніма Стрыдонскага аднеслі да ліку святых. Ён быў чалавекам магутнага інтэлекту і агнявога тэмпераменту, шмат вандраваў і ў маладосці здзейсніў пілігрымку ў Святую Зямлю. У 386 годзе ён пераклаў на лацінскую мову Стары і Новы Запаветы. Апроч таго, ёсць меркаванне, што Геранім быў стваральнікам глаголіцы — адной з першых славянскіх азбук.
