8 кіраўнікоў “Брэстаблаграсэрвісў” пазбавяцца сваіх пасадаў
Пра гэта на паседжанні аблвыканкаму паведаміў кіраўнік вобласці Канстанцін Сумар.
Як паведамляе газета “Заря”, летась асобныя райаграсервісы незаконна прадалі 23 тысячы тон калійных угнаенняў камерцыйным структурам. Такія выпадкі адбыліся ў Баранавіцкім, Бярозаўскім, Брэсцкім, Івацэвіцкім, Камянецкім, Лунінецкім і Столінскім раёнах. Таму намеснік гендырэктара “Брэстаблаграсэрвісу” і кіраўнікі структураў прадпрыемства ў названых раёнах будуць звольненыя.
