Адзін з беларусаў, што пацярпелі на пажары ў Польшчы, памёр
Як паведамляла Еўрарадыё, пажар адбыўся 10 ліпеня ў адным з дамоў ў горадзе Бельск-Падляскі.
Ён пачаўся пасля выбуху ў сутарэннях дома. Тады двое 24-гадовых грамадзянаў Беларусі ў цяжкім стане трапілі ў лякарню.
Як паведамляе сайт wspolczesna.pl, адзін з беларусаў сканаў у лякарні.
Гаспадары дома кажуць, што беларусы прыехалі ў той дзень за пластыкавымі вокнамі, якія яны замовілі ў адной з фірмаў з Бельска-Падляскага. Выбух адбыўся ў той момант, калі хлопцы ў гаражы дома загружалі вокны ў свой аўтамабіль.
