Амбасада Расіі рыхтуе зварот у Вярхоўны суд Беларусі
Мінгарсуд сёння адмовіў усім дзевяці расіянам, якія падавалі хадайніцтвы на датэрміновае вызваленне па "справе 19 снежня".
27 снежня ў гарадскім судзе Мінска былі разгледжаныя справы 9 з 11 расіян, затрыманых падчас несанкцыянаванай акцыі пратэсту апазіцыі 19 снежня. Усім ім адмовілі ў вызваленні.
"Амбасада не задаволеная вынікам справы і цяпер рыхтуе зварот у Вярхоўны суд з просьбай аб пераглядзе спраў затрыманых расіян", — заявіў сёння прэс-сакратар амбасады Вадзім Гусеў.
Адносна яшчэ двух затрыманых суд прыме рашэнне 30 снежня.
