Амбасадар ЗША ў АБСЕ нагадвае пра Беларусь
Іян Кэлі выступіў з заявай, якая асуджае апошнія парушэнні правоў чалавека ў Беларусі.
Сярод іншага ён згадвае новыя абмежаванні ў беларускім сегменце інтэрнэту. Па словах дыпламата, якія перадае "Хартыя'97", у прэзідэнцкім дэкрэце наконт інтэрнэту ёсць станоўчыя бакі, але адмоўныя пераважаюць.
Таксама Кэлі нагадаў пра нядаўні арышт журналіста Аляксандра Баразенкі і пра пераслед незалежных журналістаў у краіне.
Ён выказаў занепакоенасць станам экс-кандыдатаў у прэзідэнты Мікалая Статкевіча і Андрэя Саннікава. Таксама Кэлі ад імя ЗША паўтарыў заклік неадкладна і безумоўна вызваліць і рэабілітаваць усіх беларускіх палітвязняў.
Згадваючы пра будучыя парламенцкія выбары ў Беларусі, дыпламат адзначыў, што ЗША чакаюць ад іх павагі да асноўных свабодаў — свабоды слова, сходаў і аб'яднанняў.
