Аршанскаму ільнокамбінату не выдалі крэдыт
Еўразійскі банк развіцця адмовіўся крэдытаваць праект рэканструкцыі Аршанскага ільнокамбіната.
Пра гэта, па звестках АФН, паведаміў сёння кіраўнік канцэрна "Беллегпрам" Генадзь Вырко. Па яго словах, Беларусь разлічвала на крэдыт ЕўрАзЭС у 85 млн еўра пад рэканструкцыю ільнокамбіната.
Кіраўнік канцэрна папрасіў дапамогі ў Аляксандра Лукашэнкі. Вырко кажа, што вылучаныя з бюджэту 53 млрд рублёў на абсталяванне дазволілі павялічыць рэнтабельнасць вытворчасці на гэтым прадпрыемстве да 17%.
