БАТЭ перамог "Мінск" у чэмпіянаце Беларусі — 2:0
У пятніцу прайшоў першы матч 28-га тура чэмпіянату Беларусі па футболе ў вышэйшай лізе.
На сталічным стадыёне "Тарпеда" каманда Віктара Ганчарэнкі выйграла ў "Мінска" з лікам 2:0. На 16-й хвіліне Лашанкоў забіў гол у сваю браму, а на 69-й Брэсан падвоіў лік (адзначым, што галявы пас на рахунку Кежмана).
Астатнія матчы тура пройдуць у нядзелю, 16 кастрычніка.
