БАТЭ заваяваў Суперкубак Беларусі па футболе
27 лютага ў мінскім футбольным манежы каманда Віктара Ганчарэнка абыграла жодзінскае "Тарпеда" з лікам 3:0 (Бага, 30, Брессан, 86, Нехайчык, 90+2).
У мінулым сезоне БАТЭ стаў чэмпіёнам і заваяваў Кубак Беларусі, таму ў матчы за Суперкубак сустрэўся з фіналістам Кубка. У фінале Кубка Беларусі 23 траўня 2010 года БАТЭ разграміў аўтазаводцаў 5:0.
Суперкубак разыгрываўся ў другі раз. 8 сакавіка мінулага года БАТЭ выйграў у наваполацкага "Нафтана" па пенальці 3:2 (асноўны час — 0:0), паведамляе БелаПАН.
