Беларусь часова забараніла ўвоз птушкі з Чэхіі
Абмежаванні ўведзеныя з 21 снежня. Прычынай такога кроку стаў зарэгістраваны на тэрыторыі Чэхіі выпадак захворвання птушак хваробай Ньюкасла.
У сувязі з гэтым, у мэтах недапушчэння патраплення ўзбуджальніка хваробы Ньюкасла на тэрыторыю Беларусі, птушкагадоўчая прадукцыя з Чэхіі пакуль завозіцца не будзе.
Дэпартамент ветэрынарнага і харчовага нагляду Мінсельгасхарча інфармуе, што часовыя абмежаванні датычацца жывой птушкі, інкубацыйных яек, пуху і пяра, мяса птушкі і ўсіх відаў птушкагадоўчай прадукцыі, кармоў і кармавых дабавак з птушкі.
