Беларусь да аўторка аддасць Расіі грошы за электраэнергію
Дату 28 чэрвеня як крайнюю паведаміў журналістам у Пецярбургу беларускі прэм'ер-міністр Міхаіл Мясніковіч.
Як адзначае РІА "Новости", Беларусь павінна заплаціць расійскай кампаніі "Інтэр РАО" каля 40 мільёнаў долараў. Па словах Мясніковіча на гэтым тыдні прайшлі кансультацыі міністраў энергетыкі Беларусі і Расіі. Чыноўнікі дамовіліся, што аплата адбудзецца да наступнага аўторку.
Нагадаем, што на гэтым тыдні "Інтэр РАО" заяўляла, што з 27 чэрвеня спыніць пастаўкі электраэнэргіі ў Беларусь, калі не атрымае грошай.
