Беларусь наведае прэм’ер-міністр Украіны
Пра візіт у Мінск Мікалая Азарава на прэс-канферэнцыі ў Кіеве 27 чэрвеня паведаміў амбасадар Беларусі ва Украіне Валянцін Вялічка.
Нагадаем, што на 1 ліпеня запланаваны працоўны візіт Аляксандра Лукашэнкі ў Кіеў. Ён сустрэнецца з прэзідэнтам Украіны Віктарам Януковічам і наведае фінальную гульню Еўра-2012 па футболе.
Гаворачы аб эканамічным супрацоўніцтве дзвюх краін, Вялічка расказаў, што ў студзені-красавіку 2012 году яно павялічылася. Таваразварот вырас на 27% у параўнанні з студзенем-красавіком 2011 года. Ён склаў больш за 2 мільярды долараў, паведамляе БелаПАН.
