Беларусь прапануе інвестарам свае нетры
Рыхтуюцца "новыя падыходы да працы з інвестарамі", якія зацікавяцца распрацоўкай карысных выкапняў у Беларусі.
Пра гэта сёння заявіў міністр прыродных рэсурсаў і аховы навакольнага асяроддзя Уладзімір Цалка. На яго думку, нягледзячы на спрашчэнне ўзаемадзеяння з інвестарамі, "рашэнні аб перадачы ў распрацоўку беларускіх радовішчаў будуць абгрунтаванымі і ўзважанымі".
Мяркуецца стварыць сайт з падрабязнай інфармацыяй пра самі радовішчы і перспектывы іх асваення ў Беларусі. Гаворка ідзе, перш за ўсё, аб радовішчах бурых вуглёў, жалезных руд і гаручых сланцаў.
