Беларус стаў бронзавым прызёрам чэмпіянату Еўропы па стральбе
Сяргей Мартынаў заваяваў бронзавы медаль чэмпіянату Еўропы па кулявой і стэндавай стральбе. Беларус страляў з 50 метраў з малакалібернай вінтоўкі.
"Золата" чэмпіянату выйграў Раймонд Дэберац са Славакіі, "срэбра" — расіянін Арцём Хаджыбекаў. Прызёры атрымалі ліцэнзіі на ўдзел у Алімпійскіх гульнях 2012 года. Турнір праходзіў у сербскім Бялградзе, інфармуе БелаПАН.
Дарэчы, у Мартынава алімпійская ліцэнзія ўжо ёсць. Таму трэцяя разгуляная ў Бялградзе пуцёўка ў Лондан дасталася іспанцу Хаўеру Лопесу.
