Беларуса вінавацяць у крадзяжы 61 аўтамабіля
Супрацоўнікі праваахоўных органаў Расіі выявілі банду аўтаўгоншчыкаў.
У яе склад уваходзілі жыхары Расіі, Беларусі і Казахстана, паведамляе inmsk.ru. Следства даказала 61 эпізод выкрадання аўтамабіляў на тэрыторыі Расіі. Пакуль з дзесяці меркаваных злачынцаў удалося затрымаць шасцярых.
У рамках расследавання ў Чалябінску паліцыянты выявілі і канфіскавалі беларускія рэгістрацыйныя нумары, друкарскае абсталяванне для вырабу фальшывых дакументаў на аўтамабілі, прылады для адкрыцця замкоў, адключэння сігналізацый і запуску сістэм запальвання аўтамабіляў.'
Фота — autotat.ru
