"Беларусбанк" размесціць еўрабонды на $500 млн
Кіраўнік "Беларусбанка" Надзея Ермакова заявіла сёння аб планах размяшчэння ў другім квартале 2011 года дэбютных еўрабондаў на 500 млн долараў.
"Сума — $500 мільёнаў, на тры гады ... арыенцір прыбытковасці — каля 8 працэнтаў", — сказала яна на прэс-канферэнцыі, перадае АФН са спасылкай на Reuters.
Нагадаем, што днямі Аляксандр Лукашэнка зноў заклікаў ўрад адмовіцца ад дарагіх замежных пазык. Па логіцы заклік датычыцца і дзяржбанкаў, бо еўрабонды, якія ямы эмітуюць, таксама павялічваюць знешнюю пазыку краіны.
