"Беларусьфільм" плануе зняць працяг фільма "Белыя росы"
Сцэнар сіквела напісаў аўтар першых "Белых росаў" драматург Аляксей Дудараў.
Пра гэта паведаміў гендырэктар "Беларусьфільма" Алег Сільвановіч, перадае БЕЛТА. Нагадаем, што арыгінальны фільм Ігара Дабралюбава выйшаў на экраны ў 1983 годзе.
Па словах гендырэктара, беларускі кінематограф не такі нікчэмны, як яго ўяўляюць. Аднак ён мае праблемы ў людзях і фінансах. Да таго ж, кажа кіраўнік кінастудыі, цяпер няма дзяржзамовы.
