Беларускія электрамабілі прадаюць удвая даражэй за імпартныя
Айчынныя электрамабілі можна набыць у Брэсце. Прычым чатырохколавыя кабрыялеты ўжо разышліся, засталіся трохколавыя.
Праўда, на замову чатырохколавыя электрамабілі могуць прывезці пакупніку з Кобрына. Там іх выпускаюць на сумесным беларуска-ізраільскім прадпрыемстве “Палессе”.
Электрамабіль можа перавозіць груз да 50 кг. На адной зарадцы ён праедзе 40 хвілінаў. Рабочае напружанне 6 вольт. З меркаванняў бяспекі рэкамендуецца эксплуатаваць гэты цацачны аўтамабіль у прысутнасці дарослых.
Дзіцячы аўтамабіль выпушчаны як тавар імпартазамяшчэння. Каштуе ён каля двух мільёнаў рублёў. Замежныя аналагі з Італіі каштуюць амаль удвая менш.
