Беларусы ў Польшчы вучыліся рэфармаваць Беларусь
30 чэрвеня ў мястэчку Яхранка каля Варшавы закончыўся пяцідзённы курс лекцыяў для беларусаў.
Лекцыі прызначаліся для тых людзей, якія плануюць звязаць сваю будучыню з працай ў дзяржаўнай адміністрацыі дэмакратычнай Беларусі. Вялікая ўвага падчас лекцыяў надавалася пытанням трансфармацыі эканомікі.
У навучанні прымалі ўдзел выпускнікі, стажоры і аспіранты стыпендыяльнай праграмы імя Кастуся Каліноўскага.
Лектарамі для беларусаў выступілі вядомыя ў Польшчы прафесары эканомікі і нават былая міністр фінансаў Польшчы Галіна Васілеўская-Трэнкнер.
Гэта быў першы з трох пяцідзённых курсаў лекцый. Наступныя з іх пройдуць у канцы 2012 і пачатку 2013 года.
