Брэсцкія актывісты працягваюць змагацца са смуродам у горадзе
29 лютага актывісты грамадзянскай кампаніі "Гавары праўду!" абскардзілі адказ уладаў на калектыўны зварот.
Скаргу яны наrіравалі ў аблвыканкам, паведамляе БелаПАН. Нагадаем, што ў канцы студзеня актывісты напісалі зварот у Брэсцкі гарвыканкам. Пад просьбай распрацаваць мерапрыемствы па змяншэнні смуроду ў горадзе падпісаліся больш за тысячу чалавек.
З адказу чыноўнікаў актывісты кампаніі зразумелі, што ніякай праверкі ў цэнтральнай частцы горада не было. Між тым, непрыемны пах там не першы год запаўняе кватэры і дамы. Таму яны і напісалі новую скаргу — цяпер у аблвыканкам.
Дарэчы, у лістападзе актывісты падавалі тры заяўкі на пікеты, каб звярнуць увагу ўладаў на праблему смуроду. Усе тры пікеты гарадская ўлада не дазволіла.
