Былы дарадца прэм’ера Літвы стаў дэканам у ЕГУ
Віргініюс Валенцінавічус заняў пасаду кіраўніка Дэпартамента палітычных і сацыяльных навук (дэкана).
Інфармацыю пра новае месца працы Віргініюса Валенцінавічуса, экс-дарадцы прэм’ера Літвы Андруса Кубілюса, распаўсюдзіла агенцтва Baltic News Service. На гэтай пасадзе Валенцінавічус змяніў журналіста і пісьменніка Віктара Марціновіча. Пасля сыходу Марціновіча пасада была вакантная каля года.
Валенцінавічус назваў Еўрапейскі гуманітарны ўніверсітэт “доўгатэрміновай інвестыцыяй у развіццё суседняй Беларусі”.
Новы дэкан ЕГУ вядомы ў Літве і як журналіст. Ён працаваў 9 гадоў на літоўскім “Радыё Свабода”, пасля займаў пасады галоўнага рэдактара ў некаторых літоўскіх СМІ. Паводле адукацыі Валенцінавічус філосаф, мае акадэмічную ступень доктара навук.
Студэнты-палітолагі ЕГУ пазнаёмяцца са сваім новым дэканам ужо на сесіі ў лютым.
Фота — mixnews.lv
