Чыгуначная катастрофа ў Кітаі
33 чалавекі загінулі і 191 атрымаў траўмы ў выніку сутыкнення двух хуткасных цягнікоў на ўсходзе краіны.
Катастрофа адбылася ў акрузе Вэньчжоу правінцыі Чжэцзянь, паведамляе ВВС. Каля 20:30 па мясцовым часе ў суботу цягнік, які рухаўся з Ханчжоў ў Фучжоу, спыніўся з-за ўдару маланкі. Цягнік Пекін-Фучжоу, які ішоў следам за ім, не змог затармазіць і ўрэзаўся ў пярэдні сатаў. Ад удару два вагона сышлі з рэек і ўпалі з моста.
На месцы здарэння працуюць выратавальнікі і ўрадавая камісія на чале з віцэ-прэм'ерам Чжан Дэцзянам. Дакладнай інфармацыі аб колькасці пасажыраў у цягніках няма. Цягнікі серыі D, якія трапілі ў катастрофу, гэта першае пакаленне хуткасных міжгародніх цягнікоў у Кітаі. Іх сярэдняя хуткасць складае 160 км / ч.
