Да канца месяца МАЗ ацэняць другі раз
Ацэнку праводзіць незалежная кампанія.
Аднак назвы ацэншчыка у Міністэрстве прамысловасці не паведамляюць, інфармуе “Інтэрфакс”.
Нагадаем, што раней незалежная
аўдытарская кампанія Ernst & Young ужо праводзіла
ацэнку кошту актываў МАЗа. Паводле неафіцыйных дадзеных, аўдытар ацаніў актывы
прадпрыемства ў 800 мільёнаў долараў. Аднак улады Беларусі не пагадзіліся з названымі
лічбамі.
Ацэнка МАЗа неабходная для продажу прадпрыемства, альбо яго ўваходжання ў склад холдынгу. Цікавасць да такога варыянту ўжо выказалі шэраг расійскіх кампаній.
