Дырэктарка школы забірала грошы ў настаўнікаў
Следчы камітэт распачаў крымінальную справу ў дачыненні дырэктаркі мінскай школы па артыкуле "крадзёж шляхам злоўжывання службовымі паўнамоцтвамі".
54-гадовая жанчына падазраецца ў тым, што больш за тры гады выпісвала настаўнікам прэміі, а пасля забірала сабе частку грошай — прымушала "ахвяраваць" іх. Так яна завалодала больш чым 10 мільёнамі рублёў.
"Ежедневник" адзначае, што ў школе ацэнка дзеянняў дырэктаркі неадназначная. Выказваецца меркаванне, што настаўнікі дзяліліся прэміяльнымі па дамоўленасці з дырэктаркай, паколькі школе былі патрэбныя наяўныя сродкі на пакрыццё выдаткаў, якія не прадугледжаныя ў бюджэце. Таму афіцыйна іх правесці было нельга. Кажуць, што падобная практыка існуе і ў іншых навучальных установах.
Фота — bymedia.net
