Дзярждума Расіі запрапануе вярнуць зімовы час
Адпаведны зварот расійскія дэпутаты накіруюць ва ўрад у панядзелак ці аўторак. Пра гэта заявіў спікер ніжняй палаты парламента Сяргей Нарышкін.
Сёлета ўвосень парламентары ўжо абмяркоўвалі магчымасць вярнуцца да ранейшай мадэлі часазлічэння. Аднак тады высветлілася, што гэтае пытанне знаходзіцца ў кампетэнцыі ўрада, а не парламента, адзначае ВВС. Нагадаем, што акурат цяперашні кіраўнік расійскага ўраду Дзмітрый Мядзведзеў і стаў ініцыятарам адмены зімовага часу.
Калі Расія зноў вернецца да зімовага і летняга часу, следам за ёй гэта можа зрабіць і Беларусь.
Перавод гадзіннікаў на зімовы і летні час ажыццяўляюць 110 дзяржаваў, у тым ліку краіны Еўрасаюза, і большасць штатаў ЗША. Пасля распаду СССР ад зімовага і летняга часу адмовіліся Узбекістан, Таджыкістан, Туркменія, Грузія, Казахстан і Кіргізія.
Фота — hrivna.info
