Экс-кіраўніку МАЗа знайшлі новае месца працы
Хаця яшчэ перад праваслаўнымі Калядамі гучалі паведамленні, што Аляксандр Бароўскі хоча сысці на пенсію.
Як інфармуе РІА "Новости", экс-кіраўнік Мінскага аўтамабільнага заводу ўзначаліць назіральны савет беларуска-расійскага холдынгу БелРасАўта. Ён ствараецца на базе МАЗа і КамАЗа.
Крыніца ў беларускім урадзе паведаміла, што кандыдатура Бароўскага будзе зацверджаная на паседжанні Савета міністраў 15 студзеня. Яго кандыдатура ўзгодненая з расійскім бокам.
Нагадаем, што напрыканцы 2012 года Лукашэнка звольніў Бароўскага з пасады дырэктара МАЗа.
Урад Беларусі збіраецца ўнесці ў холдынг БелРасАўта 75% акцый МАЗа мінус адна акцыя. КамАЗ унясе 49,9% акцый, якія належаць расійскай дзяржаве.
Фота — s.mts.kz
