ЕС дасць 2 млрд еўра на адукацыю для краін-суседак
Гэта будзе праграма супрацоўніцтва з ВНУ ў сферы вышэйшай адукацыі ў 2014-2020 гадах.
Паводле інфармацыі interfax.by, пра гэта паведаміла ў панядзелак камісар ЕС па пытаннях адукацыі, культуры, шматмоўі ды моладзі Андрула Васіліёў, якая знаходзіцца з візітам у Кіеве. Па яе словах, з наступнага года ЕС плануе ўкараняць новае пакаленне праграм у сферы вышэйшай адукацыі.
Еўракамісар адзначыла, што "самымі прывілеяванымі ўдзельнікамі" гэтых праграм будуць суседзі Еўрасаюза на ўсход і поўдзень.
