Еўрасаюз мае намер выдзеліць Беларусі 12 мільёнаў еўра
На рэалізацыю праекта па стварэнні "зялёнай" эканомікі.
Пра гэта паведаміў кіраўнік аддзела праектаў і праграм прадстаўніцтва ЕС у Беларусі Левэлін Эдвардс. Паводле яго слоў, найбліжэйшым часам плануецца заключыць адпаведнае пагадненне з Міністэрствам прыродных рэсурсаў і аховы навакольнага асяроддзя.
Эдвардс паведаміў, што цяпер прадстаўніцтва ЕС у Беларусі плануе новы этап супрацоўніцтва — на 2014-2020 гады. Актуальныя кірункі ўзаемадзеяння абмяркоўваюцца як на ўзроўні ўрада, так і на ўзроўні грамадскіх арганізацый. Чакаецца, што, як і раней, адным з прыярытэтаў будзе супрацоўніцтва ў галіне навакольнага асяроддзя.
Цяпер пры падтрымцы ЕС Мінпрыроды рэалізуе ініцыятывы па кіраванні адходамі, па пытаннях змякчэння змяненняў клімату, кантролі за воднымі рэсурсамі, інфармуе БелаПАН.
Фота — bymedia.net
