Фанатам “Мінска” забаранілі вывешваць правакацыйную расцяжку
Тэкст на ёй быў такі: “Чужыя стадыены заўзятараў не дададуць! Дынама-Юні, Трактар, Куды далей?”.
Спроба вывесіць гэты банер адбылася 17 верасня на матчы 25-га тура чэмпіянату Беларусі, калі сталічны клуб гуляў супраць “Белшыны”. Міліцыянеры палічылі расцяжку правакацыйнай.
Нагадаем, у цяперашнім чэмпіянаце хатнім стадыёнам “Мінска” лічыўся “Дынама”, аднак з-за правядзення на ім еўракубкавых матчаў і сустрэч нацыянальнай зборнай “гараджане” змушаныя гуляць свае сустрэчы на іншых сталічных арэнах, паведамляе goals.by
