Ганцавіцкага Леніна рыхтуюць да Дня пісьменства
У Ганцавічах з'явіліся чуткі, што помнік Леніну на галоўнай плошчы райцэнтра будуць зносіць.
Падставай было тое, што з пастамента помніка знялі мармуровую плітку. Але, як выявілася, помнік проста ставяць на рэстаўрацыю да Дня беларускага пісьменства. Свята пройдзе ў Ганцавічах у верасні.
Дарэчы, як піша газета “Ганцавіцкі час”, падлеткі 13-14 гадоў лічаць, што на плошчы пастаўлены помнік нейкаму пісьменніку, а не правадыру сусветнага пралетарыяту.
